2021.08.01 - 15:51

Bodrumun Gökpınar və Mazı kəndlərində yanğın yaşayış yerlərinə keçib.

Axar.az xəbər verir ki, bu barədə TRT məlumat yayıb.

Kənddəki evlər boşaldılıb, yanğınsöndürmə işləri davam edir.

Muğlanın Milas rayonunda Bəyçilər məhəlləsində meşəlik ərazidən başlayan yanğın küləyin təsirindən daha da şiddətlənib.

***

Hazırda ölkənin Antalya vilayətinin Manavqat və Akseki, Muğlanın Marmaris, Köyceğiz və Milas rayonlarında yanğınların söndürülməsi istiqamətində işlər davam edir.

Manavqatın Sırtköy bölgəsində alovların hündürlüyü 20 metrədək yüksəlib. Marmarisin Turunç məhəlləsində isə əhalinin evakuasiyasına başlanılıb. Milasın Gökbel kəndi tamamilə boşaldılıb.

Ölkənin Milli Müdafiə Nazirliyi Muğlanın Marmaris bölgəsindəki meşə yanğını səbəbilə Turunç bölgəsindəki vətəndaşların təxliyəsi üçün bölgəyə iki gəmi göndərildiyini açıqlayıb.

***

125 yanğın ocağından 117-si söndürülüb. 8 yanğın ocağında isə yanğın davam edir.

Bunu Türkiyənin kənd və meşə təsərrüfatı naziri Bəkir Pakdəmirli deyib.

Nazir meşə yanğınlarından ən şiddətlisinin Muğlanın Marmaris rayonunda davam etdiyini qeyd edib.