ABŞ Senatı Prezident Co Bayden administrasiyasının prioritetlərindən biri olan avtomobil, dəmir yolları və digər infrastruktura 1 trilyon dollar xərclənməsilə bağlı qanun layihəsini müzakirəyə çıxarıb.

Axar.az xəbər verir ki, bu barədə “Röyters” agentliyi məlumat yayıb.

Bir çox fikir ayrılığına baxmayaraq, həm Respublikaçılar, həm də Demokratlar bu məsələdə razılığa gəliblər, lakin təxminən 550 milyard dollarlıq yeni xərcləri ehtiva edən qanun layihəsinin son mətni hələ də hazır deyil.

Demokrat Partiyasının lideri Çak Şumer Senatda qanun layihəsi üzərində işləyən qrupun daha çox vaxta ehtiyacı olduğunu deyib.

1 trilyon dollarlıq layihə qəbul edildikdən sonra Şumer iqlim dəyişikliyi ilə mübarizə, qocalara və uşaqlara evdə qulluq göstərmək üçün 3,5 trilyon dollarlıq geniş paketi Senata təqdim etmək niyyətindədir.