"Mercer Street" tankerinə edilən son hücumun arxasında İran dayanır.

Axar.az xəbər verir ki, bu barədə ABŞ Dövlət katibi Entoni Blinken danışıb.

Blinkenin sözlərinə görə, ABŞ əldə edilən məlumatlara əsaslanaraq iki nəfərin ölümü ilə nəticələnən hücumun İran tərəfindən təşkil olunduğuna şübhə etmir.

Amerika diplomatiyasının rəhbəri tezliklə bu hücuma adekvat cavab veriləcəyinə də söz verib.

Qeyd edək ki, daha əvvəl İsrail Baş naziri Naftali Bennett Oman sahillərində gəmiyə edilən hücumun arxasında İranın dayandığını söyləyib. İran Xarici İşlər Nazirliyinin sözçüsü Səid Xatibzadə isə sözügedən hücumla bağlı ittihamları rədd edib.