Türkiyənin bəzi ərazilərində yanğın nəzarət altına alınsa da, bir neçə kənd və məhəllədə təhlükə hələ də qalmaqdadır.

Axar.az Real TV-yə istinadən xəbər verir ki, Bodrum Mazı kəndi və bu kəndə birləşik bir neçə kənd yanğınlar səbəbilə təxliyə edilib. Kəndlərdəki bütün evlər boşaldılıb. Kənd sakinləri mal-qarasını şəhərdən çıxarır.

Yanğınsöndürənlər və könüllü olan kənd sakinləri yanğının evlərə keçməsinin qarşısını almağa çalışır.

Ərazidə tüstü zəhərlənmələrinin qarşısını almaq üçün ayran paylanılır.

Qeyd edək ki, Türkiyə bu gün yanğınlarla mübarizənin 7-ci gününü yaşayır.

Ən son məlumatlara görə, 130-dan çox yanğını nəzarət altına almaq mümkün olub.