ABŞ hərbi sensorları hipersəsli raketlərin effektiv müəyyən edilməsində kifayət qədər yetərli deyil və bu səbəbdən Rusiya bu sahədə liderliyini qoruyur.

Axar.az xəbər verir ki, bu sözləri ABŞ Silahlı Qüvvələrinin Strateji Komandanlığının rəhbəri Çarlz Riçard deyib.

O bildirib ki, hipersəsli texnologiyalar ABŞ hərbi sistemi üçün ciddi çağırışdır:

“Bu problemlərdən dolayı indiki yerüstü və kosmos əsaslı sensor sistemlərimiz bu hipersəsli raketləri aşkar etmək və izləmək üçün kifayət deyil”.

Ç.Riçard əlavə edib ki, Rusiyanın bu yaxınlarda buraxdığı “Sirkon” hipersəsli raketi potensial münaqişənin qarşısını almaq səylərini çətinləşdirir.