Kastamonu, Bartın və Sinopda baş verən dəhşətli sel fəlakəti bir sıra iddiaların yayılmasına səbəb olub.

Axar.az xəbər verir ki, iddialardan biri də sel zamanı su elektrik stansiyalarının (SES) bənd qapaqlarının məqsədli şəkildə açılması və nəticədə insan tələfatı ilə nəticələnən daşqınların əmələ gəlməsidir.

Türkiyəli ekspert Mərd İnanın sözlərinə görə, bu iddialar kökündən yanlışdır:

“Yaşanan fəlakətin SES-lə əlaqəsi yoxdur. 36 saatda 300-400 kiloqram yağış düşən bir bölgədə SES-in rolu çox minimaldır. Əsas məsələ şəhərin infrastrukturunun yanlış qurulmasıdır. Daşqın yatağında şəhər salırsınızsa, bu mənzərənin olacağı qaçılmaz idi. Bozqurd (Kastamonu) ilçəsində yaşanan faciə yanlış şəhərsalma ilə əlaqədardır”.

Qeyd edək ki, Türkiyədə sel fəlakəti nəticəsində 64 nəfər həlak olub.