Əfqanıstandan təxliyə zamanı ABŞ Prezidenti Co Bayden Qətərin strateji partnyorluğunun əhəmiyyətini anladı.

Axar.az xəbər verir ki, bu sözləri ABŞ Nümayəndələr Palatasının üzvü Erik Svalvil deyib.

“Son evakuasiya təyyarəmizin Qətərə enməsi ilə blokada zamanı bu ölkə ilə münasibətlərimizin necə pozulduğunun fərqinə vardıq. 2017-ci ildə Tramp Qətərlə strateji müttəfiqləyimizi demək olar ki, məhv etdi, lakin Bayden bunun önəmini anladı”, - deyə Svalvil bildirib.

Qeyd edək ki, 2017-ci ildə Körfəz ölkələri Qətərin terrorçulara dəstək verdiyini iddia edərək, rəsmi Doha ilə diplomatik əlaqələri kəsmiş, bu ölkəyə iqtisadi embarqo tətbiq etməyə başlamışdı.

Yalnız bu ilin yanvarında Qətərə tətbiq edilən bütün məhdudiyyətlər aradan qaldırılmış, diplomatik əlaqələr bərpa edilmişdi.