Beynəlxalq humanitar yardımların kəsilməsi Əfqanıstanda sosial böhrana səbəb olacaq.

Axar.az xəbər verir ki, bu sözləri türkiyəli professor Sezai Özçelik deyib.

Ekspert bildirib ki, uzun illər ərzində Əfqanıstana göndərilən maliyyə yardımları həqiqi ehtiyac sahiblərinə çatdırılmayıb və müxtəlif şəkildə mənimsənilib:

“Müxtəlif ölkələr yardımları müəyyən şərtlərlə və öz şirkətləri üzərindən etdiyi üçün təəssüf ki, Əfqanıstana göndərilən yardımlar istənilən nəticəni vermədi”.

Özçelik qeyd edib ki, 2020-ci ildə Cenevrədə donor ölkələr Əfqanıstana 4 il boyunca 12 milyard dollar yardım etmək sözü verib:

“Dünya Bankı 2002-ci ildən bəri Əfqanıstanda infrastrukturun inşası üçün 5,3 milyard dollar vəsait yatırıb. Əgər bu yardımlar dayandırılarsa, ölkə ciddi problemlərlə qarşılaşacaq”.