Amerikalı mütəxəssislər koronavirusun yeni "mu" varinatı haqqında daha çox məlumat əldə etməyə çalışırlar, onlar bu variantın müəyyən antikorların təmin etdiyi qorumanı aşa biləcəyindən qorxurlar.

Axar.az xəbər verir ki, bu barədə ABŞ Milli Allergiya və Yoluxucu Xəstəliklər İnstitutunun direktoru Entoni Fauçi deyib.

Onun sözlərinə görə, amerikalı mütəxəssislər bu növün ABŞ-da daha çox yayılıb-yayılmayacağını yoxlayırlar:

"Hazırda "delta" variantı 99% üstünlük təşkil edir".

ABŞ-ın baş infeksionisti ölkədə mövcud olan koronavirus peyvəndlərinin koronavirusun bütün variantlarına qarşı təsirli olduğuna əminliyini ifadə edib. Eyni zamanda Fauçi ABŞ-da istifadə edilən dərmanların "mu" variantından necə qoruduğuna dair kifayət qədər məlumat olmadığını etiraf edib.