Ötən gün İrkutskda qəzaya uğrayan L-410 təyyarəsinin 4 qara qutusundan biri tapılıb.

Axar.az xəbər verir ki, bu barədə Şərqi Sibir nəqliyyat prokurorluğu məlumat yayıb.

Qeyd edək ki, İrkutskdan Kazaçinsk qəsəbəsinə uçan təyyarə mənzil başına çatmağa 4 km qalmış qəza enişi edib. Təyyarə enişdən sonra alışıb. Göyərtədə olan 16 nəfərdən (12 sərnişin, 2 ekipaj üzvü) 4-ü (1 ekipaj üzvü, 3 sərnişin) ölüb, 12 nəfər yaralanıb.

Hadisə ilə bağlı 15 sentyabr İrkutskda matəm günü elan edilib.

Ölənlərin ailələrinə 1 milyon, ağır yaralılara 500 min, vəziyyəti orta-ağır olanlara 250 min, yüngül xəsarət alanlara isə 100 min rubl təzminat ödəniləcəyi bildirilib.