ABŞ-da səhranın ortasında 5 milyon əhalisi olan “meqa-şəhər” layihəsi sona çatmaq üzrədir.

Axar.az Publika.az-a istinadən xəbər verir ki, layihə menecerləri maliyyənin təmin ediləcəyi təqdirdə 2030-cu ildə şəhərin ilk sakinlərini qarşılamağı planlaşdırır.

Tokionun təmizliyini, Nyu Yorkun rəngarəngliyini və Stokholmun infrastrukturunu nümunə götürən milyarder Mark Lore tərəfindən hazırlanan ABŞ-ın 5 milyonluq yeni şəhəri üçün vəsait axtarışları başlayıb.

İlk dəfə hazırlanacaq "15 dəqiqəlik şəhər dizaynı" sayəsində insanların iş yerlərinə, məktəblərinə və sosial xidmətlərinə 15 dəqiqədə çatmaları hədəflənir. Şəhərin qurulmasına 400 milyard dollar maliyyə tələb olunur.