Talibanın hakimiyyəti ələ alması Əfqanıstan xalqı üçün faciə, Qərb üçün itki və beynəlxalq arenada isə rolların dəyişməsidir.

Axar.az xəbər verir ki, bunu Avropa İttifaqının xarici işlər və təhlükəsizlik siyasəti üzrə ali nümayəndəsi Jozep Borrell bildirib.

"İndi məsəl belədir ki, yeni hökumətlə necə davranmalıyıq, böyük bir bölgədə nə etməliyik. Həmçinin, dünyanın başqa yerlərində dövlət quruculuğunda prosesindəki dərslər haqqında özümüzü tənqid etməyə ehtiyac var. Çünki Əfqanıstanda baş verənlər bizə çox şey öyrətdi. Dövlət qurma təcrübəsi Corc Buşun Əfqanıstanı işğal etməmişdən öncə təxmin etdiyindən daha çətindir", - Borrell qeyd edib.

Borrell bir daha vurğulayıb ki, Talibanı tanımasalar da, əlaqələr yaratmaq məcburiyyətindədilər.