Ermənistanın Baş naziri ötən gün Düşənbədə keçirilən Kollektiv Təhlükəsizlik Müqaviləsi Təşkilatına (KTMT) üzv ölkələrin liderlərinin sammitində növbəti dəfə acınacaqlı vəziyyətə düşüb.

Axar.az Publika.az-a istinadla xəbər verir ki, Paşinyan bu dəfə protokol qaydasını pozub. Onun korteci sammit keçirilən iqamətgaha birinci gəlib. Qaydalara görə isə ilk olaraq təşkilatın Baş katibi gəlməli idi.

Bunun ardınca yarım saatlıq fasilə yaranıb. Hətta fəxri qarovul belə gözləməkdən yorulub.

Nikol Paşinyan isə yenə protokolu pozmağa davam edib: Baş nazir kollektiv foto çəkilişi mərasimi zamanı digərlərindən aralı dayanıb. Mərasim bitdikdən sonra isə həmkarları ilə söhbət etməyə çalışıb. Amma onun bu addımı da bir nəticə verməyib. Paşinyan həmkarları tərəfindən soyuq qarşılanıb.