Erməni polisi İkinci Qarabağ müharibəsində ölən Levon Qalstyanın atası Armen Qalstyanı Erablur hərbi panteonunun ərazisindən təzyiq edərək çıxarıblar.

Axar.az xəbər verir ki, buna səbəb Qalstyanın panteonu ziyarətə gələn Ermənistan Baş naziri Nikol Paşinyana qarşı çıxışlar etməsi olub.

Qalstyan jurnalistlərə açıqlamasında bildirib ki, hökumət rəhbərinin panteonu ziyarət etməyə mənəvi haqqı yoxdur:

“Bura məzarlıq deyil, uşaqlarımızın evidir. Onun isə (Nikol Paşinyan - red) bura gəlməyə haqqı yoxdur”.

Yüksək rütbəli məmurlardan ibarət nümayəndə heyəti gələn zaman Qalstyan panteon ərazisindən uzaqlaşdırılıb.

Qeyd edək ki, Ermənistanın müstəqilliyinin 30 illiyi ilə bağlı bu gün mərasim keçirilir.