Cozef Bayden 2021-ci ilin yanvarında ABŞ-ın yeni prezidenti olaraq ilk telefon zəngini Almaniya kansleri Angela Merkelə etmək istəyib.

Axar.az xəbər verir ki, bu məlumatı “Vol Strit Jurnal” qəzeti yayıb.

Qəzet Baydenin bununla transatlantik stabilliklə bağlı müsbət siqnal verməyə çalışdığını bildirib. Bununla belə Baydenin niyyəti baş tutmayıb, çünki Merkel telefon zənginə cavab verməyib:

“Almaniya kanslerinin başqa planları vardı. O, Berlin yaxınlığındakı kotecinə getdiyi üçün Baydenin zənginə cavab verməyib. Merkel daha sonra köməkçilərindən növbəti görüşü təşkil etmələrini istəyib. Nəticədə tərəflər arasında telefon danışığı 25 yanvarda Merkelin işə qayıtmasından sonra baş tutub”.