Ana səhifə Planet |
Qırğızıstan-Tacikistan sərhədində məktəblilər və valideynlərinin iştirakı ilə kütləvi dava baş verib.
Axar.az xəbər verir ki, bu barədə Qırğızıstanın Batken vilayət administrasiyası rəhbərinin müavini Murafxan Tulayev məlumat verib.
O bildirib ki, günorta saatlarında təxminən 30-a yaxın tacik məktəbli Kok-Taş sərhəd kəndində 13-14 yaşlı dörd qırğız yeniyetməyə hücum edərək onları döyüb. Nəticədə onlar ciddi xəsarətlərlə xəstəxanaya yerləşdirilib.
Tulayevin sözlərinə görə, hazırda sərhəddə vəziyyət nəzarət altındadır.
Bundan əlavə, "Smotrim.ru" saytı yazır ki, döyülən yeniyetmələrin valideyn və yaxınları qonşu dövlətin ərazisinə gedərək 2 şagird və onların valideynlərinə xəsarət yetirib. Bundan sonra, daha 50 nəfər davaya qoşulub və ciddi qarşıdurma yaşanıb. Hər iki ölkənin administrativ şəxslərinin müdaxiləsi ilə qarşıdurmanın qarşısı alınıb.
Tacikistan tərəfi isə baş verənləri provokasiya adlandırıb.
Tarix
2021.09.23 / 22:12
|
Müəllif
Kamran Ədalət
|