Avropa Birliyi (AB) miqrasiya müqaviləsini pozduğu üçün utanmalıdır.

Axar.az xəbər verir ki, bunu Türkiyə Böyük Millət Məclisinin (TBMM) sədri Mustafa Şəntop deyib.

"Qaçqınlara ev sahibliyi etmək üçün Avropanın öhdəlik sözündən 15-20 qat daha çoxunu xərclədik. AB bütün sərvətlərin onlara gəlməsini və digər ölkələrin acı və kədər içində qalmasını istəyir, lakin bu qəbuledilməzdir.

Kabilin Taliban tərəfindən ələ keçirilməsindən sonra biz hələ miqrant təzyiqinin artdığını görmədik. Amma son beş ildə artıq 300 minə yaxın əfqan qəbul etmişik. Bu vəziyyət beynəlxalq məsuliyyət tələb edir", - deyə Şəntop bildirib.