ABŞ və Rusiya arasında hərbi əlaqələr siyasi səbəblərdən hələ də məhduddur, lakin təmaslar qalmaqdadır.

Axar.az xəbər verir ki, bu barədə Pentaqon nümayəndəsi Con Kirbi deyib.

“Rusiyanın Ukraynadakı təcavüzkar siyasəti ilə bağlı Pentaqon siyasi və hüquqi səbəblərdən hərbi əməkdaşlığı dayandırıb. Əminəm ki, general Milli bu məhdudiyyətləri yaxşı anlayır. Lakin anlaşılmazlığın və konfliktli situasiyaların həlli üçün hərbi təmaslar davam etdirilir”, - deyə Kirbi bildirib.

Qeyd edək ki, ABŞ Baş Qərargah rəhbəri Mark Milli Rusiya ilə hərbi əlaqələrin genişləndirilməsi məsələsinin nəzərdən keçirilməsi gərəkdiyini bildirmişdi.