Moskva alman xalqının iradəsinə hörmət edir və qurulacaq istənilən hökumətlə çalışmağa hazırdır.

Axar.az xəbər verir ki, bu sözləri Rusiyanın Almaniyadakı səfiri Sergey Neçayev deyib.

“Almaniyadakı seçki kampaniyasına müdaxilə etmək bir kənara, bu yöndə öz tərcihimizi ifadə etməkdən də uzağıq. Rusiya hər zaman Almaniya ilə qarşılıqlı maraq, hörmət və praqmatizm əsasında əlaqələri möhkəmləndirmək niyyətindədir”, - deyə Neçayev bildirib.

Qeyd edək ki, sentyabrın 26-da keçirilən səsvermənin nəticələrinə görə, daha 4 illik bir hökumət qurulacaq və 16 il Almaniya Nazirlər Kabinetinin rəhbəri vəzifəsində çalışan Angela Merkelin yerinə kansler təyin ediləcək.