Türkiyəni qlobal iqlim dəyişikliyi ilə mübarizədə ən əhəmiyyətli oyunçu edəcəyik.

Axar.az xəbər verir ki, bunu Türkiyənin ətraf mühit və şəhərsalma naziri Murad Kurum təmsil etdiyi qurumun adının dəyişdirilməsini şərh edərkən deyib.

"Ortaq evimiz, dünyamız üçün alınan bu inqilabi yeni qərar təhsildən mədəniyyətə, iqtisadiyyatdan kənd təsərrüfatına, sənayeyə və şəhərçiliyə qədər bütün sahələrdə dərin dəyişikliklərə səbəb olan iqlim dəyişikliyinə qarşı mübarizəmizi gücləndirəcək", - M.Kurum bildirib.

Qeyd edək ki, Türkiyə lideri Ərdoğan Ətraf Mühit və Şəhərsalma Nazirliyinin Ətraf Mühit, Şəhərsalma və İqlim Dəyişikliyi məsələləri üzrə Nazirlik adlanacağını elan edib.