Avropa Parlamentinin Xarici Əlaqələr Komitəsi Rusiyanın Şərq Tərəfdaşlığı ölkələrinin ərazisindəki fəaliyyətini qınayıb.

Axar.az xəbər verir ki, bu məlumat komitənin qətnamə layihəsində yer alıb.

“Avropa Parlamenti Rusiyanın silahlı konfliktlərdə, regionda və ya onların sərhədlərində hərbi potensialını artırmasını və işğalını qınayır”, – deyə layihədə yer alıb.

Layihədə Rusiyanın məhz hansı hadisələrə müdaxiləsindən bəhs edilməyib. Komitə Avropa Parlamentinin Şərq Tərəfdaşlığı ölkələrinə, xüsusilə, avrointeqrasiya yolu seçən dövlətlərə dəstəyini ifadə edib.