Ana səhifə Planet |
19:07
Rusiya Prezidenti Vladimir Putin Moskvada, Kreml sarayında Ermənistan Baş naziri Nikol Paşinyanı qəbul edib.
Axar.az xəbər verir ki, bu barədə TASS məlumat yayıb.
Tərəflərin Qarabağ üzrə Azərbaycan, Rusiya və Ermənistan arasında 10 noyabr 2020-ci il və 11 yanvar 2021-ci ildə imzalanmış sənədlərlə bağlı fikir mübadiləsi aparacağı gözlənilir.
***
Biz sizinlə telefonla davamlı əlaqə saxlayırıq. Əlbəttə ki, istənilən nəticəni əldə etmək üçün şəxsi görüşlər həmişə məhsuldar şəkildə keçirilir. Ümid edirəm ki, bu dəfə də belə olacaq.
Bu sözləri Rusiya prezidenti Vladimir Putin Ermənistanın Baş naziri Nikol Paşinyanla görüşündə deyib.
“Rəsmi və qeyri-rəsmi şəraitdə danışacağıq, birlikdə nahar edəcəyik, cari işləri və perspektivi müzakirə edəcəyik. Tezliklə MDB ölkələrinin sammiti olacaq. Bu sahədə və əlbəttə ki, qarşılıqlı əlaqələrimizin əsas məsələlərinə dair qeydləri sizinlə müqayisə etmək istərdim. Eyni zamanda, bölgədə hazırda və uzunmüddətli perspektivdə tənzimlənməyə dair məsələləri...” – Rusiya dövlət başçısı əlavə edib.
Tarix
2021.10.12 / 23:11
|
Müəllif
Kamran Ədalət
|