ABŞ Rusiyanın Mərkəzi Asiyadakı tərəfdaşlarıyla əlaqələrinin zəiflədilməsinə əhəmiyyətli səylər sərf edəcək.

Axar.az xəbər verir ki, bunu Rusiya Təhlükəsizlik Şurasının katibi Nikolay Patruşev MDB xüsusi xidmət orqanları rəhbərləriylə görüşdə deyib.

Onun sözlərinə görə, NATO kibertexnologiyalardan istifadə edərək özünün hücum potensialını inkişaf etdirmək niyyətindədir.

O, yeni yaradılan AUKUS alyansının nüvə silahının yayılmaması haqqında razılaşma üçün təhlükə kəsb etdiyini, Asiyada təhlükəsizlik arxitekturasını zərbə altında qoyduğunu bildirib.