21:01

Türkiyənin Van vilayətində polis ilə Milli İstihbarat Təşkilatı ortaq xüsusi əməliyyat keçirib.

Axar.az xəbər verir ki, əməliyyat nəticəsində keçmiş iranlı M.A adlı hərbçini ölkəsinə qaçırtmaq istəyən 2-si İran casusu olmaqla, 8 nəfər saxlanılıb.

MİT tərəfindən İran kəşfiyyatçılarının M.A-nı İrana qaçaq yolla gətirmək üçün Vanda 30 min dollar büdcəsi olan bir şəbəkə yaratmağa çalışdıqları müəyyən edilib.

Şəbəkə üzvlərinin sonra M.A-nın həyat yoldaşı M.E.-yə 10 min dollar təklif etdiyi, bunu qəbul etməyəcəyi təqdirdə İrandakı ailə üzvlərinə zərər veriləcəyi ilə bağlı təhdid edilib.

İran kəşfiyyatının M.A-nı avtomobillə qaçırtmaq üçün 2 nəfəri sentyabrın 24-də Vana göndərdiyi təsbit edilib. Bundan sonra Vanın əmniyyət polisi ilə MİT əməliyyat keçirib.

Qeyd olunub ki, saxlanılanlardan 6-sı Türkiyə vətəndaşıdır.