Moskva Vaşinqtonla dialoqa hazırdır və yeganə sual Vaşinqtonun bərabər əsasda belə bir dialoq aparmağa hazır olub-olmamasıdır.

Axar.az xəbər verir ki, bunu Rusiya Xarici İşlər Nazirliyinin sözçüsü Maria Zaxarova ABŞ Dövlət katibinin müavini Viktoriya Nulandın Moskva səfərini şərh edərkən deyib.

"Bütün problemli məqamlar yaxşı məlumdur, bütün problemlər dəfələrlə müzakirə edilib. Tək sual budur: irəli gedirik, ya yox? Biz hazırıq və dəfələrlə demişik ki, mövqeyimiz təhqiramiz rəftara imkan vermir", - Zaxarova qeyd edib.