Ukraynanın “Həyat naminə müxalif platforma” partiyasının siyasi bürosunun rəhbəri Viktor Medvedçuk Rusiya vətəndaşlığını daşısaydı, onun mübadiləsi məsələsinə baxmaq olardı.

Axar.az xəbər verir ki, bu sözləri Ukrayna Prezidenti Vladimir Zelenski yerli mediaya açıqlamasında deyib.

Jurnalist bununla bağlı Rusiyadan hər hansı mesajın verilib-verilmədiyini soruşduqda, Zelenski belə bir ismarışın göndərilmədiyini söyləyib:

“Konkret nələrsə olmayıb. Hansı mesajlar ola bilər - axı Medvedçuk Ukrayna vətəndaşıdır və o, Ukrayna qanunlarına tabedir! Məsələn, Rusiya onun (Medvedçuk –red.) vətəndaşlığını təsdiq etsəydi, bu, tam mümkün idi. O zaman biz böyük məmnuniyyətlə Ukraynanın əsl qəhrəmanları və vətəndaşları ilə mübadilə etmək imkanına nəzər yetirərdik”, - deyə Zelenski bildirib.

Qeyd edək ki, Medvedçuk bu ilin mayında ev dustaqlığına məhkum edilib. O, Rusiya şirkətləri ilə birgə Krım yaxınlığında neft-qaz hasilatı ilə məşğul olmaqda şübhəli bilinir.

Medvedçuk Rusiya Prezidenti Vladimir Putinin qızının xaç atasıdır.