Meksikada cinayətkarlar video-oyunlar, yaxud sosial şəbəkələr vasitəsilə yeniyetmələrlə əlaqə yaradaraq onları ya oğurlayır, ya da öz təşkilatlarına cəlb edir.

Axar.az xəbər verir ki, bu barədə Meksikanın ictimai təhlükəsizlik nazirinin müavini Rikardo Mexia deyib.

“Bunları “Pleysteyşn”, “Xbox” “Nintendo Svitç” konsolları vasitəsilə edirlər. Anonim şəxslər əlaqə yaratdıqdan sonra internet vasitəsilə münasibət qururlar. İnandırmaq və təşkilata cəlb etmək prosesi Tik-Tok və İnstaqram kimi sosial şəbəkələrdə davam edir”, - Mexia bildirib.

Onun sözlərinə görə, cinayətkarlar daha çox adrenalinli, qəddarlığı təbliğ edən oyunları tərcih edirlər.