Gürcüstanın sabiq prezidenti Mixail Saakaşvilinin atası Nikoloz Saakaşvili xəstəxanaya yerləşdirilib.

Axar.az Report-a istinadən xəbər verir ki, 77 yaşlı N.Saakaşvilini infarkt vurduğu bildirilir.

O, hazırda Çapidze adına Kardioloji Klinikadadır. Tibbi müəssisədən bildirilib ki, N.Saakaşvilinin vəziyyəti qənaətbəxşdir və onda aritmiya əlamətləri müşahidə olunur.

Qeyd edək ki, M.Saakaşvili oktyabrın 1-də Tiflisdə saxlanılıb və Rustavidə 12 saylı cəzaçəkmə müəssisəsinə yerləşdirilib. O, həbsinə etiraz olaraq saxlanıldığı gündən aclıq aksiyasına başlayıb.