Rusiya və NATO münasibətlərini faciəvi adlandırmaq doğru deyil, sadəcə olaraq ona görə ki, bu münasibətlər ümumiyyətlə yoxdur.

Axar.az xəbər verir ki, bu sözləri Rusiya XİN rəhbəri Sergey Lavrov Norveç xarici işlər naziri ilə görüşünün nəticələri haqda keçirdiyi mətbuat konfransında deyib.

“Rusiya-NATO əlaqələrini katastrofik adlandırmazdım. Çünki katastrofik olması üçün nəsə əlaqə lazımdır. Bizim isə NATO ilə heç bir əlaqəmiz yoxdur”, - Lavrov bildirib.

Qeyd edək ki, NATO alyansdakı Rusiya nümayəndələrinin sayını ixtisar edib. Buna cavab olaraq Rusiya NATO-nun Moskvadakı daimi ofisinin 1 noyabrdan bağlanacağını elan edib.