01:11

Vəkili ilə görüşü bərpa edildikdən sonra Mixail Saakaşvili həkimlərin tibbi yardım göstərməsinə razılaşıb.

Axar.az xəbər verir ki, bu barədə eks-prezident öz Feysbuk səhifəsində yazıb.

“Bu gün təəssüf ki, tibbi heyətlə görüşdən imtina etməli oldum. Onlardan üzr istəyirəm, hər kəs bilsin ki, onlar peşəkardır. Sadəcə mənim tam əlaqəm bərpa olunmayana qədər həkimlərin yardımı və analiz götürmələrinə razılıq vermədim. Mənim protestimdən sonra vəkilimlə əlaqələr bərpa edildi”, - Saakaşvili yazıb.

Qeyd edək ki, bundan öncə Saakaşviliyə yalnız şüşə arakəsmədən vəkilləri ilə əlaqə yarada biləcəyi deyilmiş, həmçinin onun mülki tibb müəssisəsinə köçürülməyəcəyi bildirilmişdi. Saakaşvili isə buna etiraz olaraq, tibbi yardımdan imtina etmişdi.