ABŞ və Türkiyə arasında S-400 hava hücumundan müdafiə sistemləri və F-35 hərbi təyyarələri ilə bağlı məsləhətləşmələr aparılıb.

Axar.az xəbər verir ki, bu barədə ABŞ Müdafiə Nazirliyindən məlumat verilib.

Bildirilib ki, müzakirələr məhsuldar keçib və nümayəndə heyətləri yaxın aylarda Vaşinqtonda yenidən görüşməyi planlaşdırır:

"Bu görüş ABŞ hakimiyyətinin Türkiyənin F-35 proqramında əvvəlki iştirakı ilə bağlı məsələləri hörmətlə başa çatdırmaq niyyətində olduğunu nümayiş etdirir".

Qeyd edək ki, ötən gün ABŞ Müdafiə Nazirliyinin nümayəndə heyəti Ankarada türkiyəli həmkarları ilə müzakirələr aparıb.