Moldovada sadə istehlakçılar üçün qaz tarifləri iki dəfə arta bilər və bu, avtomatik olaraq məhsul və xidmətlərin bahalaşmasına səbəb olacaq.

Axar.az xəbər verir ki, bu sözləri Moldovanın sabiq prezidenti İqor Dodon deyib.

“Bizim mütəxəssislərin hesablamalarına görə, tariflər minimum iki dəfə arta bilər. Hazırda biz bir kub metr üçün 4,3 ley (25 sent) ödəyirik, lakin mümkündür ki, gələcəkdə 8-dən 13-14 leyə (45-80 sent) qədər ödəyək. Bu, olduqca bahadır. İstifadəçilər ödəməkdə çətinlik çəkəcək. Həmçinin istehsalçılara problemlər yaradacaq və hər şeyin qiyməti qalxacaq”, - deyə Dodon bildirib.

Qeyd edək ki, Moldova parlamenti enerji böhranına görə ölkədə 22 oktyabrdan etibarən 30 gün ərzində fövqəladə vəziyyət elan edib.