Yunanıstan Türkiyə və türk cəmiyyəti ilə konstruktiv dialoq istəyir.

Axar.az xəbər verir ki, bu açıqlama ilə Yunanıstan xarici işlər naziri Nikos Dendias çıxış edib.

Yunanıstanın Türkiyə və türk xalqına qarşı heç bir gizli niyyətinin olmadığını deyən Dendias ölkəsinin türk cəmiyyəti ilə dialoq arzuladığını qeyd edib: "Çünki türk cəmiyyətinin böyük bir hissəsi hələ də Avropa ilə inteqrasiyaya ümid edir".

Yunanıstanın konstruktiv mövqe tutduğunu iddia edən Dendias Avropa Birliyinə üzv olmaq və ya AB ilə yaxşı əlaqələr qurmaq istəyən ölkələrin beynəlxalq hüquqa hörmət etmələrini göstərən açıq mesaj vermələrinin lazım olduğunu vurğulayıb.