Bu gün dünya liderləri Türkiyəni qlobal güc adlandırır.

Axar.az xəbər verir ki, bu açıqlama ilə Türkiyə xarici işlər nazirinin müavini Yavuz Səlim Kıran çıxış edib.

"Biz dünyanın ən böyük iqtisadiyyatına malik deyilik, amma ən çox yardım edən, ən böyük diplomatik nümayəndəliyə malik 5-ci ölkəyik. Milli müdafiə sənayesində ehtiyacımızın 70 faizini öz imkanlarımızla qarşılaya bilən qüdrətli ölkəyik, öz avtomobilimizi istehsal edirik. Dünyadakı infrastruktur layihələrinin əksəriyyəti Türkiyədə reallaşdı. Bütün bunlara Prezidentimizin sayəsində nail olduq. “Dünya 5-dən böyükdür” cümləsi sadəcə bir cümlə deyil. Prezidentimiz “Ədalətli dünya uğrunda” şüarı ilə mesaj verdi və bu mesaj gün keçdikcə daha çox rezonans doğurur", - Kıran vurğulayıb.