ABŞ Qara dəniz regionu üçün strategiya qurmalıdır və yalnız bu kontekstdə, lazım gələrsə, Ukraynada hərbi bazaların açılması imkanlarını nəzərdən keçirməlidir.

Axar.az xəbər verir ki, bu açıqlama ilə ABŞ ordusunun Avropadakı keçmiş komandanı, general-leytenant Ben Hoces çıxış edib.

"Strategiyasız regionda, Ukraynada Rusiyaya necə müqavimət göstərə bilərik? Bu, Rumıniya, Gürcüstanla aktiv iş, Türkiyə ilə konstruktiv münasibətlərimizin təsdiqi deməkdir. Strategiyamız olsa, yalnız bundan sonra fərdi inkişaf edə bilərik. Daha sonra isə artıq Ukraynada Amerika bazalarının açılmasını nəzərdən keçirmək olar", - Hoces söyləyib.

General hazırda Ukraynada ABŞ bazalarının yaradılmasında bir məna görmədiyini vurğulayıb:

"Ukraynada belə bazalar yaranarsa, Amerikanın bir çox müttəfiqi çətin günlər keçirə bilər, lakin eyni zamanda bu, anlaşılan strategiyanın bir hissəsi olmayacaq. Bütün bunlar lazımsız təxribat sayılacaq".

Bununla belə, Hoces Qara dəniz bölgəsində ABŞ qüvvələrinin mövcudluğunun artırılmasını, həmçinin Britaniya və ya Kanada donanması ilə birgə təlimlərin keçirilməsini dəstəkəyib.