Avropalı parlamentarilərin Saakaşviliyə görə Tiflisə ünvanladıqları sərt tənqidlərə Gürcüstanın Baş naziri İrakli Qaribaşvili cavab verib.

Axar.az xəbər verir ki, Qaribaşvili Gürcüstan hakimiyyətini sərt tənqid edən avropalı parlamentariləri və konqresmenləri qərəzli adlandırıb.

“Keçmiş hökumətin dostlarının Avropada, ABŞ-da klubları var və onların bəyanatları baş nazir kimi mənim üçün tamamilə maraqsızdır. Milli Hərəkat hakimiyyətdə olanda klublar yaratmağa nail oldular. Mən avropalı parlamentariləri, konqresmenləri, müxtəlif analitik mərkəzlərdə çalışan, bu gün də fəaliyyət göstərən ekspertləri nəzərdə tuturam. Onları şəxsi tanışlıq və dostluq bağlayır”, - Qaribaşvili bildirib.

Onun sözlərinə görə, məhz bu məqsədlə Vahid Milli Hərəkat dövlət büdcəsindən milyonlar xərcləyirdi.