Braziliya Ali Məhkəməsi COVİD-19 peyvəndlərinin QİÇS yaratması ilə bağlı fikirlərinə görə ölkə prezidenti Jair Bolsonaro haqqında “yalan informasiya yaymaq” ittihamı ilə araşdırma başladıb.

Axar.az xəbər verir ki, Bolsonaronun COVİD-19-la mübarizədə səhlənkar davranıb-davranmamasını araşdırmaq üçün yaradılan Parlament İstintaq Komissiyasının tələbi ilə belə bir addım atılıb.

Qeyd edək ki, J.Bolsonaro oktyabr ayında sosial şəbəkə hesabında canlı yayım açaraq COVİD-19 peyvəndlərinin QİÇS-ə səbəb olduğunu iddia etmişdi. Bu iddia qısa zaman ərzində qalmaqal yaratmışdı. İddialardan sonra prezidentin çıxışı Feysbuk, Yutub və İnstaqram kimi platformalardan qaldırılmışdı.