16:12

Rusiya Prezidenti Vladimir Putinin Hindistana rəsmi səfəri başlayıb.

Axar.az xəbər verir ki, Putin səfər çərçivəsində Hindistan Baş naziri Narendra Modi ilə görüşəcək.

Danışıqlar zamanı tərəflərin beynəlxalq gündəmdəki aktual məsələləri, o cümlədən G20, BRİCS və Şanxay Əməkdaşlıq Təşkilatı çərçivəsində birgə fəaliyyətə dair fikir mübadiləsi aparacaqları, həmçinin strateji sabitlik, terrorizmlə mübarizə, Asiya-Sakit okean regionu və Əfqanıstandakı vəziyyəti müzakirə edəcəkləri gözlənilir.

***

Rusiya Prezidenti Vladimir Putin Hindistanın Baş naziri Narendra Modi ilə danışıqlar aparıb.

Görüş Nyu Dehlinin mərkəzindəki Heydərabad sarayında keçirilib. Bu, 2019-cu ilin noyabrında Braziliyada keçirilən BRİKS Sammitindəki danışıqlardan sonra liderlərin ilk təkbətək görüşüdür.

Birgə sənəddə Rusiya və Hindistan “qlobal sülh və sabitliyin sütunu” olaraq dəyərləndirilən strateji tərəfdaşlığa sadiqliklərini təsdiqləyiblər.

Putin vurğulayıb ki, iki ölkə arasında münasibətlər inkişaf edir və gələcəyə hədəflənib.

Modi isə öz növbəsində pandemiyanın dövlətlər arasında dialoqa təsir göstərmədiyini və tərəfdaşlığın inkişaf etdiyini vurğulayıb.