Türkiyədə yeni növ koronavirus (COVİD-19) infeksiyasına qarşı tətbiq olunan kütləvi peyvəndləmə sürətlə aparılmaqdadır.

Axar.az xəbər verir ki, rəsmi dairələrdən verilən məlumatlara və mütəxəssis rəylərinə görə, hazırda ölkə üzrə yoluxma və ölüm hallarında daha yüksək faiz peyvənd olunmayanların payına düşür.

Son sutkada Türkiyə üzrə 354 min 269 nəfər COVİD-19 testindən keçirilib və onlardan 20 min 33 nəfərdə virusun əlamətləri aşkarlanıb. Gün ərzində 187 koronavirus xəstəsi dünyasını dəyişib, 25 min 611 şəxs sağalıb.

Dekabrın 6-sı da daxil olmaqla indiyədək ölkə üzrə 121 milyon 42 min 428 doza vaksin tətbiq olunub.