Respublikaçı senator Rocer Uikerin Ukrayna ətrafında vəziyyətin gərginləşəcəyi təqdirdə Rusiyaya qarşı nüvə silahından istifadənin mümkünlüyü ilə bağlı bəyanatları məsuliyyətsizliyin sübutudur.

Axar.az xəbər verir ki, belə bir bəyanatla Rusiyanın ABŞ-dakı səfirliyi məlumat yayıb.

“Respublikaçı senator Rocer Uikerin dekabrın 7-də “Foks Nyus”a verdiyi açıqlamalara diqqət yetirdik. Ukrayna daxili böhranı ilə bağlı vəziyyəti şərh edən senator ABŞ prezidentinə vəziyyətin gərginləşəcəyi təqdirdə hərbi əməliyyatları, o cümlədən Rusiyaya qarşı nüvə silahı imkanlarını istisna etməməyi tövsiyə edib. Bu cür bəyanatlar məsuliyyətsizlikdir. Bütün maarifsizlərə Rusiya və ABŞ prezidentlərinin 16 iyun 2021-ci il tarixli birgə bəyanatını götürüb diqqətlə oxumağı tövsiyə edirik. Bu sənəd iki ölkənin nüvə müharibəsində qaliblərin ola bilməyəcəyi və heç vaxt sərbəst buraxılmaması prinsipinə sadiqliyini bir daha təsdiqləyir”, - səfirlikdən bildirilib.