Almaniyanın keçmiş kansleri Angela Merkel Kiyevin NATO vasitəsilə silah almasına mane oldu, kansler Olaf Şolzun yeni hökumətinin isə bu məsələdə mövqeyi hələ aydın deyil.

Axar.az xəbər verir ki, bunu Ukraynanın müdafiə naziri Aleksey Reznikov deyib.

"Berlin keçən ay Ukraynanın PUA-ları məhv etmək üçün sistemlər və silahlar almasına veto qoyub. Baxmayaraq ki, sonradan Almaniya silahla bağlı mövqeyini yumşaltdı, onları hücum silahları kimi tanımadı", - deyə o, vurğulayıb.

Müdafiə Nazirliyinin rəhbəri iddia edir ki, Ukrayna ABŞ, İngiltərə, Litva və Fransa kimi müttəfiqləri ilə ikitərəfli razılaşmalar vasitəsilə silah əldə etməyə çalışacaq.