Rus diplomatların qovulması ilə bağlı Berlinin siyasi motivli qərarına baxmayaraq, Rusiya Almaniyanın yeni hakimiyyəti ilə qarşılıqlı əlaqə üçün qapıları açıq saxlayır.

Axar.az xəbər verir ki, bu sözləri Rusiyanın Almaniyadakı səfiri Sergey Neçayev deyib.

“Almaniyanın yeni hakimiyyəti ilə qarşılıqlı maraq doğuran məsələləri və gündəm mövzularını geniş şəkildə müzakirə etməyə hazırıq. Bu yanaşma Rusiya Prezidenti Vladimir Putinin Almaniyanın yeni kansleri Olaf Şoltsa təbrik məktubunda təsdiqlənib”, - deyə diplomat bildirib.

Qeyd edək ki, bir müddət əvvəl Avropa Birliyinin (AB) bir sıra üzv dövlətləri, o cümlədən Almaniya yaranan gərginlik fonunda rusiyalı diplomatların ölkədən deportasiyası ilə bağlı ardıcıl qərarlar qəbul etmişdi.