Türkiyənin avropalı olaraq Avropa Birliyi (AB) xaricində qalmaq seçimi yoxdur. Bu, bizim üçün qara sevda deyil, mənafe məsələsidir.

Axar.az xəbər verir ki, bu sözləri Türkiyənin xarici işlər nazirinin müavini Faruk Kaymakçı deyib.

“Üzv olmadan Avropa Birliyi ilə səmimi, etibarlı və ortaq mənafeyə söykənən əlaqə yaratmağımız mümkün deyil. Bu gün Avropa Birliyi qoca qitədə qərarlar verən, idarəedici mövqeyə gəldi. Yəni Türkiyənin öz mənafeyini və suverenliyini yaxşı şəkildə müdafiə edə bilməsi üçün bu idarəedici mexanizmin daxilində olması gərəkdir. Başqa variantı yoxdur. Türkiyənin AB üzvlüyü ilə Avropaya gətirəcəyi dəyərlər son dərəcə önəmlidir”, - deyə Kaymakçı bildirib.