Biz hazırda müzakirə olunan müxtəlif siyasi yanaşmaları nəzərdən keçiririk və buna çox vaxtımız yoxdur.

Axar.az xəbər verir ki, bunu Avropa Birliyinin ali nümayəndəsi Enrike Mora ötən gün Vyanada başlayan İranla nüvə danışıqlarının 8-ci raundu haqda danışarkən deyib.

"Bir daha qeyd etmək istərdim ki, bütün nümayəndə heyətləri bu danışıqların uğurlu olması üçün çalışmaq iradəsini açıq şəkildə nümayiş etdirir. Hesab edirəm ki, bu, çox müsbət əlamətdir", - Mora vurğulayıb.

O, İrana sanksiyaların aradan qaldırılması, bu ölkənin nüvə fəaliyyətlərinin razılaşma ilə müəyyən edilmiş səviyyədə saxlanılması və ABŞ-ın razılaşmaya qayıtması məsələlərinin müzakirə mövzusu olduğunu bildirib.