NATO 1997-ci ildən sonra alyansa qoşulan ölkələrdən qoşunların çıxarılması məsələsi ilə razılaşmayıb.

Axar.az xəbər verir ki, bu barədə NATO rəhbəri Yens Stoltenberq deyib.

“NATO müttəfiqləri Avropanın, milli təhlükəsizliyin əsas prinsiplərindən imtina edə bilməzlər. Fakt odur ki, hər ölkə öz xəttini seçir – NATO-ya üzv olmaq istəyirmi, ya yox... Həmçinin biz 1997-ci ildən sonra alyansa qoşulan ölkələrdən qoşunların çıxarılması ilə razılaşa bilmərik”, - deyə baş katib bildirib.

Stoltenberq əlavə edib ki, belə olacağı təqdirdə alyans üzvlərinin yarısı NATO tərəfindən qorunmayacaq və ikinci dərəcəli üzv olacaq.