Ukrayna və Rusiya prezidentlərinin Türkiyəyə dəvəti düşünülüb, belə bir ehtimal var.

Axar.az xəbər verir ki, bunu Ukrayna Prezident Administrasiyasının rəhbərinin müşaviri Mixail Podolyak deyib.

"Şübhəsiz ki, Türkiyə tərəfdən təklif düşünülmüşdür, potensial var. Prezident Rəcəb Tayyib Ərdoğan bölgəmizdəki vəziyyəti yaxşı bilir, həm ukraynalıların, həm də rusların motivlərinə bələddir. Və aydındır ki, Türkiyə öz strateji maraqlarını yaxşı bilir", - Podolyak vurğulayıb.

Qeyd edək ki, Prezident Rəcəb Tayyib Ərdoğan fikir ayrılıqlarını həll etmək üçün Rusiya və Ukrayna dövlət başçılarını Türkiyəyə dəvət edib.