Qondarma “donetsk xalq respublikası” və “luqansk xalq respublikası”nın tanınması ilə bağlı Dövlət Dumasının fraksiya rəhbərləri arasında məsləhətləşmələr gələn həftə keçiriləcək.

Axar.az xəbər verir ki, bunu Rusiya Dövlət Dumasının spikeri Vyaçeslav Volodin deyib.

“Bununla bağlı gələn həftə fraksiya rəhbərləri ilə məsləhətləşmələr aparmaq və bu təşəbbüsü müzakirə etmək düzgün olardı. Sonra nəticələrə əsasən, məsələyə Dövlət Dumasının Şurasında baxılacaq”, - Volodin bildirib.

Qeyd edək ki, bir neçə gün öncə Dövlət Dumasının Kommunist Partiyasından olan deputatları Prezident Vladimir Putinə müraciət edərək qondarma respublikaların tanınması məsələsinə baxmağa çağırmışdılar.