Rusiya yeni “dəmir pərdə” yaratmağa cəhd edir. Bu, dünya arenasında təsir dairəsinin bölünməsinin yeni formasıdır.

Axar.az xəbər verir ki, bu sözləri Rumıniya milli müdafiə naziri Vasile Dinku deyib.

“Bəllidir ki, Rusiya yeni “dəmir pərdə” yaratmağa çalışır. Əslində bu, təsir dairəsinin bölüşdürülməsinin yeni formasıdır. Görünür, ölkələr, hərbi-siyasi bloklar arasında yeni müqavilələr gərəkdir”, - deyə nazir bildirib.

Dinku əlavə edib ki, cari il qlobal səviyyədə dəyişikliklər üçün həlledici ola bilər.

Bundan əlavə, nazir Rusiyanın NATO qoşunlarının Rumıniya və Bolqarıstandan çıxarılması ilə bağlı çağırışının nəzərə alınmayacağını söyləyib.