NATO Rusiya ilə danışıqlarda deeskalasiyaya ümidini itirmədən öz mövcudluğunu həm də Baltik və Qara dəniz regionlarında gücləndirir.

Axar.az xəbər verir ki, bu sözləri NATO Baş katibi Yens Stoltenberq Brüsseldəki mətbuat konfransıda deyib.

“Biz Rusiyanı situasiyanı deeskalasiyaya çağırırıq. NATO əmindir ki, fərqli mövqe və gərginlik siyasi yolla həll edilməlidir, güc və təhdid tətbiqi ilə yox”, - Stoltenberq qeyd edib.

O əlavə edib ki, siyasi danışıqların uğuruna ümid etməklə bərabər, NATO “ən pisə” hazırlaşır:

“Biz öz mövcudluğumuzu gücləndiririk – həm də Baltik və Qara dənizdə”.