Ana səhifə Planet |
Qərbin Rusiyanın təkliflərinə cavabını mənfi dəyərləndirmək olar.
Axar.az xəbər verir ki, bu barədə Rusiya Dövlət Dumasının Beynəlxalq məsələlər komitəsi rəhbərinin birinci müavini Vyaçeslav Nikonov danışıb.
Deputat vurğulayıb ki, NATO-nun bəyanatlarına əsasən (NATO Baş katibi Stoltenberqin Brüsseldə təşkil etdiyi mətbuat konfransında dedikləri nəzərdə tutulur – red.) yazılı cavabda Rusiyanın narahatlığına dair heç nəyin nəzərə alınmadığını düşünmək olar:
"Qərbin cavabı birmənalı olaraq mənfi kimi qəbul edilməlidir. Beləliklə, tezliklə “rusca” cavabları öyrənməyə başlayacağıq. Görünür, biz Donetsk və Luqansk respublikalarını (qondarma rejimlər nəzərdə tutulur - red.) silahlandırmaqdan başlayacağıq”.
Qeyd edək ki, ABŞ və NATO Rusiyanın təhlükəsizlik zəmanətlərinə dair təkliflərinə yazılı cavab verib. Məzmun açıqlanmasa da, Qərbin güzəştə getməyəcəyi açıq-aydın sezilir.
Tarix
2022.01.27 / 00:25
|
Müəllif
Pərviz Həsənov
|